銀進大摩父子助攻 10/04/2022 雖然大摩已經退咗休，但摩氏家族喺香港馬圈又唔係完全冇影響力，況且大摩早前放棄澳洲練馬基地，依家打算幫香港馬主物色更多良駒。講起摩氏家族引入嘅馬，今日第3場四班1200米嘅初出馬「銀進」就係其中之一，呢匹G布澳洲PPG由大摩囝囝喬治摩亞於殷利殊經典周歲馬拍賣會以36萬澳元購入，亦係前香港馬「吾誰與歸」嘅同母半兄弟，前景唔會太差。 大摩及喬治 事實上大摩同「銀進」馬主陳永光關係唔錯，大摩退休後返回澳洲時其中一匹頭馬Jumbo Goal都係陳生名下馬匹，之後再為陳生購入「銀進」來港服役，以大摩嘅揀馬眼光，應該唔會入錯貨。睇番「銀進」來港後操練進度都係愈來愈好，尤其2月尾於從化試閘逢馬過馬，走勢吸引，近期柏廐啲質新馬表現唔錯，剛周三有「紫雲冰」入圍，今次輪到「銀進」出擊，過往同主嘅「大進」同埋「上進」均能在港服役首季即贏，睇吓「銀進」又會否迅速建功？ 銀進埋門彈草闖走勢暢順有力。