舒拉寶娃十六歲出道，當時為○三年，佢於擅長的草地場表現出色，於溫布頓大滿貫賽事中打到第四圈，嶄露頭角，但多數觀眾都唔係注意其實力，而係佢美得令人目眩的美貌。翌年寶娃大爆發，令睇佢唔起的球評家跌晒眼鏡，首先於溫布頓直落兩盤輕取「細威」莎蓮娜威廉絲，摘下首個大滿貫錦標，之後更於年終賽再度打敗「細威」，呢一年寶娃揚名立萬，更成為全年搵錢最多的女網球手。
寶娃之後成績滑落，完全唔關實力事，而係佢斷斷續續受傷患困擾，○五至○七年，佢只係贏得一次美網冠軍。到冲今年，寶娃攀上事業新高峰，於澳洲網球公開賽首先殺敗「一姐」軒寧，於決賽更狂風掃落葉」擊敗伊雲娜域，第三次取得大滿貫錦標。
因為軒寧急流勇退決定退休，寶娃取而代之，目前世界排名第一。呢位有樣、有料、有身材的大美人，勢必成為奧運奪標熱門，於京奧大出風頭。
|
