肯搏肯捱贏得帥權 湯普新真係友福 29/05/2024 相信大家都知「友福」系馬主蘇永強咁多年嚟都係鄭俊偉嘅忠實支持者，近年佢哋亦同法國好手賀銘年合作擦出火花，事關之前嘅「齊齊友福」、「年年友福」同埋「友盈友福」都喺賀銘年胯下贏過，成績突出。不過，今晚全泥宴「年年友福」及「友盈友福」分途出擊，賀銘年兩場都冇坐騎，反而畀晒湯普新操刀，莫非呢位今季先嚟香港發展嘅澳洲好手做咗「友福」系愛將？ 鄭俊偉 其實今次呢兩匹「友福」系賽駒全部用湯普新，都唔算令人意外，事關「年年友福」最近一次喺泥地一哩爆冷正正係佢建功，而「友盈友福」上仗喺四班跑1400米亦改由佢操刀跑第5名，今次落到五班繼續搵佢騎亦好合理。而蘇永強亦提過當初起用湯普新，都係鄭俊偉建議，話呢位騎師肯搏肯捱，自己都好欣賞，而作為一位來港發展日子唔算耐嘅好手，既然有馬主同練馬師信任，梗係要好好把握。 湯普新、馬主蘇永強 事實上，今晚呢兩隻馬「友福」餐士真係唔錯，除咗一齊試過喺全泥夜宴建功，「友盈友福」重返五班優勢明顯，而「年年友福」兩戰泥地不勝有獎金，今增程跑1800米更合發揮，有力再建一功。 「年年友福」大前仗夜泥由湯普新爆冷勝出。