六爺親家俏芳華 21/02/2021 啱啱喺大年初三度過55歲生日嘅羅富全，原來踏入牛年兩次賽事仲未建功，今日此廐派出9駒，「南區有」、「旗幟輝煌」用莫雷拉，「金像非凡」強配潘頓；但對六爺嚟講，如果由頭場初次上陣嘅「俏芳華」建功，更加有意義。 「俏芳華」先後在香港及從化5試大閘，操好才上陣。 原來「俏芳華」馬主廖齡儀，正正係羅富全嘅親家，亦即係佢新抱Karen嘅媽媽。全哥囝囝羅峻濼喺舊年8月18日同拍拖多年嘅女友Karen註冊，而Karen媽媽廖齡儀本身都係馬主，今次首度以個人名義養馬，梗係交畀全哥訓練啦！值得一提，「俏芳華」由羅富全於2019年嘅新西蘭曾受基礎訓練兩歲馬拍賣會用咗13萬紐元引入，來港後悉心操練，最近兩課從化試閘走勢吸引，擺明操好先跑，睇吓全哥能否立即幫親家拉頭馬？ 馬主廖齡儀(左)、Karen(右)